Во текот на минатата недела повторно гостувавме кај нашиот пријател и поддржувач Marjan Nikov од Sitel Tv и ги промовиравме проекните активности на ИД Урсус спелеос, Споменикот на природата Слатински Извор како и активностите кои ги имаме заедно со нашите проектни партнери!
Членот на Истражувачкото друштво „Урсус спелеос“ Aleksandar Stojanoski го промовираше проектот „Воспоставување на ефикасен механизам за одговор на пожари во Споменик на природата Слатински Извор“ поддржан од Eko-svest и WWF Adria
Нашиот член Дарио Стојановски во периодот 27 до 28.04.2022 година, учествуваше на Модулот 2 од Обуката за јакнење на капацитетите на заинтересираните страни за Концептот на екосистемски услуги кој се одржа во хотел Бистра во Маврово а беше организирана од страна на Фармахем Скопје во рамки на Програмата за зачувување на природата во Македонија – излезна фаза.
За време на работилницата, од страна на домашни и меѓународни предавачи, учесниците имаа можност да се запознаат со проценката и картирањето на екосистемските услуги, примери од регионот, MAES а воедно ја посетија и пештерата Шаркова Дупка во рамки на Националниот парк Маврово.
Во текот на денешниот ден се реализираше почента (воведна) работилница за засегнати страни во рамки на активностите за Воспоставување на ефикасен механизам за одговор на пожари во Споменик на природата „Слатински Извор“. Овие активности се во рамките на проектот Заштитени подрачја за природата и луѓето, имплементиран од WWF Adria со поддршка на СИДА, Шведската агенција за развој и соработка.
На работилницата се реализираа следните презентации:
2. Александар Стојаноски (ИД Урсус спелеос): Проект Воспоставување на ефикасен механизам за одговор на пожари во Споменик на природата „Слатински Извор“
3. Ана Чоловиќ Лешоска (WWF Adria/Еко Свест): Проект Заштитени подрачја за природата и луѓето II 2019 – 2022 година
На почетната работилница учествуваа вкупно 21 учесник од следните институции и организации:
– Општина Македонски Брод
– Центар за управување со кризи
– Дирекција за заштита и спасување
– Министерство за внатрешни работи
– Територијална противпожарна единица Македонски Брод
– СОУ „Св.Наум Охридски“
– Државен инспекторат за животна средина
– Истражувачко друштво „Урсус спелеос“
– Еко Свест
– Еколошко Друштво Треска – Македонски Брод
Учесниците имаа можнсот да се запознаат со Споменикот на природата Слатински Извор, неговото значење и вредност а воедно и да се запознаат со какви активности ќе следат за заштита и превенција од шумски пожари. За време на дискусијата, учесниците имаа можност да споделат искуства и да предложат дополнителни активности меѓу кои и вклучување на останатите заштитени подрачја во споделување на искуства во справување со шумски пожари.